19 май - матбугат көне. Алай гына да түгел, быел газетабызның 70 еллык юбилее да икән әле. Бу безнең ечен дә бик кадерле олы бәйрәм, ягъни газетаны укучылар һәм авыл хәбәрчеләре өчен. Шундый зур юбилей уңаеннан ниндидер бер матур бүләк хәзерлисе иде дә бит, хәлебездән килмәс, ахры. Күңелебез белән генә бөтен кыр чәчәкләрен сезгә бүләк итәбез, хөрмәтле редакция!

Дистә еллар буена җыелып килгән ут, газ өчен түләү квитанцияләрен юк итим әле дип тотындым бер көнне. 1996 еллардан бирле ут, газ язулары җыелып тора икән. Кая кагылсаң, анда кәгазь боткасы, җәеп та тормас идем, иртәгә нинди закон корасыларын кем белә. Берәрсе берәр ялгыш җибәреп, моннан 4-5 ел алдан түләгәнлегеңне исбат ит, түләү язуларын күрсәт дия башласалар, ни хәл итәрсең. Язуың юк икән, димәк, түләмәгән. Бер дә гаҗәпләнмәгез, җәмәгать, андый хәлләр дә баштан узды. Моннан 2-3 ел элек, алдагы өч ел өчен телефонга түләү язуларын табарга туры килде.

Җыр-моңны мин яшьтән үк бик яратам. Белмим, ни сәбәптер, әллә яшьли ятим калып, тол әниемнең җырларын тыңлап үскәнгәме. Әле дә абыем белән апам янына кич утырырыга җыелган егет- кызларның: «Апа, җырла инде бер генә жыр, жырла инде», — дип әниемә ялынганнары күз алдымда. Әни бераз уңайсызлана бугай, буй җиткән улы белән кызы да шунда бит. Алар да иптәшләренә кушылып үтенә башлагач, моңлы матур тавышы белән җыр сузып җибәрә. Бар да шым булып тыңлый. Аннан абыем гармун уйный башлады, әни аңа көйләр табарга булыша, кушылып җырлаштыра да.

Зирекле лицеенда кунакта булып кайттым әле. Бу районыбыз мәктәпләренең оештыру-тәрбия эшләре буенча директор урынбасарларының семинары иде. Мин семинарны тәфсилләп язып аңа бәя бирергә җыенмыйм, бары тик гади кунак буларак, үземнең тәэсирләрем белән генә уртаклашасым килә. Ә семинарның ни дәрәҗәдә эчтәлекле, уңайлы һәм файдалы булуы турында педагоглар үзләре язмый калмаслар дип уйлыйм.

Туган апамның хәлен белергә барган идем. Шунда сүз иярә сүз чыгып, шигърияткә дә кереп кителгән, бугай. Апаның килене: "Минем абыем да шигырьләр яза иде", - дип, газета тотып килде. Мин тиз генә газета битенә күз төшереп алдым. Шигырьләр белән тулы газета битенең өске почмагындагы некролог һәм авторның фотосын күрүгә йөрәгемне нидер чеметеп алгандай булды. Әле 49 яше дә тулмаган, иҗат дәрте ташып торган шагыйрь авылдашыбыз Вәгыйзов Ильяс Салих улының вафаты турында язылган иде бу некрологта.